SARDU

Comunu de Casteddu: Calendàriu de is atòbiu de su 5 a su 28 de mesi de ladàmini chi s’ant a fai in sa Mem, Biblioteca comunali de Pirri, Biblioteca Montevecchio, Biblioteca G.B. Tuveri e in su Polu bibliotecàriu de bia Falzarego. Si inghitzat su mèrcuris su 5 de ladàmini in sa Mediateca de su Mediterràneu (bia Mameli 164): a is cincu e mesu de a merì, Massimo Rassu presentat su libru suu “Ingegneria nuragica”, publicau de NOR. Rassu, nàsciu in su 1964, est ingegneri tzivili. At publicau artìculus asuba s’urbanìstica e sa stòria de s'architetura de sa Sardigna. Ingegneria Nuragica (publicau in su 2021) analizat is monumentus sardus de s’Edadi de su Brunzu no cumenti a espressioni de unu pòpulu inditau, a manera sballiada, cumenti a “barbaro”, ma cun d-una impostatzioni de anàlisi sigundu is mètodus de s’architetura.

Sempri in sa MEM, mèrcuris su 12 de ladàmini a is cincu e mesu de a merì, presentatzioni de Tramonti in bicicletta, scritu de Francesco Accardo e publicau de Gaspardi editori. Cenàbara su 14 de ladàmini atòbiu in sa Biblioteca comunali de Pirri, in bia Santa Maria Goretti 53. A is cincu e mesu Ruggero Roggio presentat Il re delle api, imprentau de Arkadia editori. Mèrcuris su 19 de ladàmini si torrat in sa MEM, sempri a is cincu e mesu de a merì: tocat a Anna Palmieri Lallai chi amostat su libru suu asuba sa Cattedrali de Santa Maria, imprentau de editzioni GIA. Giòbia su 20 de ladàmini sempri a cincu e mesu, Casteddu chi ligit si spostat a sa Biblioteca Montevecchio, in bia Montevecchio 29. Omar Onnis presentat Altri traguardi, asuba sa campagna eletorali de Sardigna de is eletzionis regionalis de su 2014. Su libru dd’at publicau Catartica editzioni. Cenàbara su 21, sempri a sa matessi ora, atòbiu in sa Biblioteca G.B. Tuveri in bia Venezia 23. Roberto Portas presentat s’arregorta sua de poesias in italianu e sardu, cun tradutzionis de Antonio Piredda, Dolore a salve / Dolore chena dolu, imprentau de Domus de Janas. Mèrcuris su 26 de ladàmini, in sa MEM de bia Mameli, ddoi at a essi Maria Rosa Giannalia chi, a is cincu e mesu, at a presentai su libru suu D’oro e di cemento, publicau de Amicolibro. Po acabbai, cenàbara su 28 de ladàmini, in su Polu bibliotecàriu de bia Falzarego 35, a is cincu e mesu Claudio Moica presentat s’arregorta sua de poesias nomenada Non scrivo poesie di domenica, publicada de Pettirosso editori.