SARDU
Comunu de Seddori: Ant incingiau in Casteddu, in su Casteddu de Santu Micheli, sa mustra Casteddus Medievalis de Sardigna organizada de sa Reti de is Casteddus de sa cali su Comunu de Seddori est cabufila. Su presidenti de sa Giunta Regionali Christian Solinas at segau su frocu impari a su sìndigu de Seddori Alberto Urpi e a s’assessora a sa Cultura e spetàculu de Casteddu Dolores Picciau. Ddoi fiant puru is sìndigus de is Comunus de sa reti: Sàrdara, Las Plassas, Mara e Laconi. A presentai sa mustra Giorgio Murru, diretori scientìficu de sa Reti de is Casteddus. Sa mustra fotogràfica curada de 5 fotografus amostat is casteddus de is 5 Comunus chi faint parti de sa reti. Sa mustra si podit visitai in su Casteddu de Santu Micheli finas a su 14 de maju. Oràrius: de is noi oras de mengianu a is ses de a merì. S’intrada est a indonu.