SARDU
Comunu de Igrèsias: Torrat Chocomoments Igrèsias e sempri in tempus po afestai a Santu Valentinu. De su 10 a su 12 de Friaxu 2022 in Pratza Quintino Sella torrat in tzitadi sa de tres editzioni de Chocomoments Igrèsias, sa festa manna de su ciuculati artigianali. Su druciori de su ciuculati artigianali sintzillu, at a cunchistai a totus gràtzias a sa variedadi de pralinas saborias, tauleddas de ciuculati cun lati, fondentis e aromatizadas, cremas de lúngiri, licoris cun ciuculati, allobaduras friscas e stravanadas de fruta e ciuculati scallau e atras tentatzionis guturrosas de is maistus de su ciuculati.
FÀBBRICA DE SU CIUCULATI
Po is pipieddus dònnia merii nc’est su ChocoBaby obertu de is 3 e mesu a is 5 e mesu de a merii (15.30-17.30) innui si podit giogai cun su ciuculati, po fai ciuculateddus bonus diaderus imperendi totus is ainas chi serbint: deventalis, capeddeddus, guantus e ainas de trabballu. No serbit a si prenotai, si pagant 5 èurus e durat unu cuartu de ora.
AMMOSTA MERCAU
Pabillonis abertus cenàbara su 10 e sàbudu s’11 de Friàrgiu de is 10 de a mengianu a is 11 e mesu de a merii (10.00-23.30), e domínigu su 12 de Friàrgiu de is 10 de a mengianu a is 8 de a merii (10.00-20.00). In prus sàbudu a is 6 de a merii (18.00) si podit biri una tauledda de 20 metrus de longària, unu guinnes diaderus!
Po informatzionis tocat a scriri a info@chocomoments.it