SARDU
Comunu de Gùspini: De su 1° a su 31 de Meseladàmini 2019 in totu s'Itàlia su Comitau po sa programmatzioni e su cordinamentu de is atividadis de educatzioni finantziària at organizau sa de duas editzionis de su "Mese dell'Educazione Finanziaria" (#OttobreEdufin2019) po donai a totus ocasionis a indonu e de calidadi, chenza scopu de guadàngiu, po ammanniai is connoscéntzias de basi asuba de sa gestioni e de sa programmatzioni de is arrisorsas finantziàrias pessonalis e familiàris.
Momentus de arrexonu, giogu, cunfrontu e spetàculu asuba de sa gestioni de s'arrespàrmiu, ma asuba puru de is argumentus assegurativus e previdentzialis, medas abertus a sa tzitadinàntzia.
Ant acunsentiu medas assótzius, istitutzionis, impresas, universidadis, scolas, fundatzionis, amministratzionis púbricas, pentzionis, assótzius de cunsumadoris, càscias previdentzialis e realidadis de su mundu assegurativu chi ant presentau progetus cunformis cun is línias de inditu difinidas de su Comitau.
Gùspini puru, su 15 de Meseladàmini a is tres e mesu de a merí (15,30), in s'Àula de su Consillu, stràngiat unu de is acontéssius in calendàriu chi tenit sa tarea de informai e formai, a is imprendidoris o a is chi dd'ant a bessiri, asuba de is valutatzionis o is atzionis de fai in sa fasi de creatzioni de un'impresa e gestioni giusta in sa condutzioni de s'azienda respetu a is políticas económicas e finantziàrias de fai cun su scopu de apoderai is echilíbrius netzessàrius in s'interis de s'atividadi cosa sua.
Po pigai parti bastat intrai in su giassu Cofimer, curadori de s'atóbiu agiudau de s'Amministratzioni Comunali.
Programma:
- Saludus de s'Amministratzioni Comunali;
- Abertura trabballus Maria Grazia Dessì – Presidentissa Cofimer;
- Creatzioni de impresa e valutatzionis, de calidadi e de cantidadi, in sa fasi de progetu e in sa fasi de svilupu. Lucia Demurtas – Cofimer;
- Si connosci mellus po si presentai mellus: duas ainas po costruiri un'immagini aziendali cumpetitiva asuta de su prefilu creditítziu e cummertziali: Fabrizio Satolli – Cribis Gruppo Crif Spa.;
- Acinnus a is bancas datus creditítzias de prus importu e sa letura de custas (CR Banca d'Itàlia e Crif), identificatzioni de is fontis de finantziamentu adeguadas rispetu a is abbisóngius de s'impresa e s'umperu giustu cosa insoru ( su finantziamentu giustu) Luisa Urpi – Cofimer;
- Esperiéntzia de is impresas in su territóriu;
- Sa normativa noba asuba sa crisi de impresa e de s'incapatzidadi de pagamentu – Fabrizio Satolli – Cribis Gruppu Crif Spa;
- L.108/96 e sa preventzioni de su fenòmenu de s'usura.