SARDU
Comunu de Pabillonis: Si fait sciri chi s'Amministratzioni Comunali, cun sa tarea de avalorai su patrimóniu culturali e patrimoniali de su territóriu, at acunsentiu a su tzircúitu natzionali "Monumenti Aperti" po su 2019, programmendi sa manifestada po su 18 e 19 de Maju. Sa manifestada punnat a sa prumotzioni de is benis culturalis e a fai a connosci in su matessi tempus is atividadis produtivas, is assótzius, is artesanus e aici sighendi, gustendi puru is spetzialidadis de su binu e de sa cosa de papai localis.
Duncas s'Amministratzioni cumbidat a is operadoris económicus localis a fai sciri si bolint cuntzediri su "sponsor" cosa insoru po ddu pubricai in su libbureddu informativu, sa proposta non previdit costus. A custu propositu is interessaus podint manifestai sa disponibbilidadi cosa insoru mandendi una "e-mail" a s'indiritzu info@comune.pabillonis.su.it aintru e non prus a tradu de su 18 de Martzu 2019. Pruscatotu si pedit a is operadoris de is setoris de s'arritzida e de sa restoratzioni, de inditai s'indiritzu e su númunu de telèfonu de s'atividadi e su marcu si ddu tenint.