SARDU
Comunu de Biddanoa de Forru: Cenàbura 12 de austu 2022 in sa location spantosa de su nuraxi Genna Maria a is oras 21.30 ci at a èssiri su cuncertu ca si narat “SARDA ARUNDO DONAX - launeddas, ance, elettronica, audio/videoart”.
A s’eventu, nàsciu de un’idea de Mario Frezzato, s’ant a pòdiri ascurtai músicas de:
Claudia Mura, Manuele Bruno, Matteo Atzori, Ignazio Origa, Elia Perinu, Domenico Lavena, Alberto Locci, Michele Angius, Alessio Gibroni, Marcello Calabrò, Andrea Balia, Andrè Lorenzatti e Andrea Deidda.
Arundo donax, nómini scientíficu de sa canna comuna, o canna domestica, ispirat su nómini de unu merí ca bollit celebrai e valorizai unu strumentu símbulu de sa traditzioni musicali sarda comenti a is launeddas, fundendu is sonus caraterísticus antigus e popolaris cosa sua cun cussus de oboe, clarinetu, fagotu e sax, strumentus clàssicus modernus ca tenint in comunu sa matessi canna, poita bella po fai is imbucaduras insoru (ance).
Su cuncertu previdit s’esibitzioni de s’Ance Ensemble de su Conservatóriu “G.Pierluigi da Palestrina” de Casteddu, formatzioni fata totu de studentis e dirígia de Alberto Locci, unu de is cumposidoris.
In programma 13 cumpositzionis scritas de is studentis de is classis de Cumpositzioni e de Música Eletrónica. At a abèrriri su merí su sonu de is launeddas de su spantosu Luigi Lai, maistu de is solistas de s’ensemble, in prus de una generatzioni intera de launeddistas.
Su cuncertu tenit sa collaboratzioni de su Centru de Produtzioni Multimediali de su Conservatóriu e de su Centru de Chirca Musicali TiConZero.
Si pedit a dónnia partecipanti de arregòlliri una pila (andat beni puru cussa de su cellulari) e de si pònniri arroba bella po su logu e su clima de su merì. Est cunsillau a si portai unu telu o unu coscinu innoi si nci podiri sètziri in s’interis de su cuncertu.
S’intrada est a indonu, ma serbit a si prenotai a su númunu 333 1760216 (anche whatsapp) – 070 9300050 o a is mail: turismoinmarmilla@gmail.com – museo@comune.villanovaforru.ca.it