SARDU
Comunu de Gùspini: Si fait su 25 de Meseargiolas, in is aposentus de s'IIS Volta, unu cunvegnu apitzus de s’arrolu de is tzitadinus in relata a is Comunidadis Energéticas Rennovàbbilis.
Su Cunvegnu dd’organizat s’Assessorau a is Políticas Energéticas e Annoamentu de su Comunu de Gùspini, precisamenti s’Assessori Marcello Fanari, paris cun s’Assessorau Regionali de s’Indústria e s’Universidadi de Casteddu.
Is Comunidadis Energéticas Rennovàbbilis, costituiscint unu sistema capassu de produsi, spaciai e spainai energia prodúsia de fontis rennovàbbilis. Su cunvegnu bolit essi un’aina capassa de ammostai e avalorai s’arrolu tzentrali de is Comunus in su Svilupu de is CER.
Sa Diretiva Europea 2018/2021 acóllia a livellu natzionali e insutzuligada gràtzias a unus cantu decretus de atuamentu, at permítiu unu svilupu lestru de is CER, chi su protzessu de svilupu est un’oportunidadi de importu po is sugetus chi dd’ant a cumponni e a su matessi tempus po is chi ant a gosai indiretamenti de cussu sistema etotu. Est una manera de produsi e spainai energia elétrica de cuntratendéntzia, unu scioberu chi no podit abetai prus, chi tenit che a tarea sa eletrificatzioni de massa de domus e trasportus, chi imperat unu sistema alimentau cun energia rennovàbbili.
Su funtzionamentu de sa retza elétrica no at a essi prus cussu de is centralis mannas chi alimentant de susu a bàsciu ma cussu de is comunidadis energéticas solaris chi, cun s’autoconsumu comunu, ant a apoderai totu su sistema energéticu de bàsciu a susu.
Recualificazione de is domus, pompas po callentai, màchinas elétricas, infrastruturas de servítziu, impiantus rennovàbbilis, IoT, funt scéti una parti de su mercau energéticu mannu nou, chi ant a essi is siendas mesanas e piticas a ddu serbiri: unu boom económicu nou chi in is annus chi ant a benni s’at a portai a sa de tres rivolutzionis industrialis.
PROGRAMMA
17.30 Registratzioni de is partecipantis
18.00 Cumentzu de is trabballus e saludus de is Autoridadis
INTERVENINT
Vincenzo Tiana (Responsàbbili Energia Legambiente Sardigna), “Is comunidadis energéticas in Sardigna “
Marco Sideri (Síndigu de Ussaramanna), “Cumenti est nàsciu sa CER de Ussaramanna”.
Maurizio Onnis (Síndigu de Biddanoa de Forru) “Is Comunidadis Energéticas: energia prodúsia de is sardus po is sardus”.
Emilio Ghiani (Universidadi de Casteddu) “Normas técnicas apitzus de is Comunidadis Energéticas”
19.30 Dibata e respustas a is preguntas
20.00 Serrada de is trabballus
Móderat is trabballus:
Marcello Fanari (Assessori Políticas Energéticas e Annoamentus, Comunu de Gùspini)
Po informatzionis in prus - 3312665892 (Marcello Fanari)
Iat a essi mellus a donai sa cunfirma ca si partétzipat a s’acontéssiu in s’acàpiu https://forms.gle/i947ppdGBktCkbbF6