SARDU
Comunu de Gomajori: Po sighiri in sa scoberta e in s'avaloramentu de sa Régia Nuràgica de Barru, s'Amministratzioni Comunali de Gomajori cun grandu prexeri at arritziu su progetu de s'assótziu "Guasila Archeologica" chi bolit torrai a inghitzai is atóbius cun s'archeólogu Dot. Giacomo Paglietti, Diretori scientíficu de su Museu e Parcu Archeológicu "Genna Maria" de Biddanoa de Forru e de s'àrea arccheológica de Santa Vittoria de Serri. Duncas in Gomajori ddoi at unu Cursu de archeologia asuba de sa Civilidadi Nuràgica , pretziu in tre atóbius de 90 minutus donniunu in is dís 23 e 30 de Martzu e su 6 de Abrili 2019, a is ses de a merí (18,00), in s'interis de is letzionis si analizant is aspetus de s'architetura tzivili e sacra, sa cultura materiali, is maneras de bivi e is atividadis de sussisténtzia de is populatzionis nuràgicas.
A s'acabbu de is atóbius ddoi at, po sa primu borta, una bisíta ghiada a su Nuraxi Barru, a incuru de s'archeòloga Dot.ra Chiara Pilo, funtzionàriu de sa Subrintendéntzia de Casteddu.
Po sceras, prenotatzionis e iscritzionis:
"e-mail": guasilaarcheologica@libero.it