Seddori: Cursu de Língua Sarda de I livellu

Su Comunu fait sciri chi, in su cuntestu de su progetu “Sighidura Terras de Marmilla, Linas e Campidanu”, est incumentzendi unu cursu de I livellu de Língua Sarda chi si fait de su 9 de Abrili 2025 a s’11 de Làmpadas 2025, dónnia mércuris de is 4 a is 7 de a merí (h. 16.00-19.00) in su Polo Culturali Scolopi.
Su Cursu ddu fait su professori Guido Cadoni e is letzionis funt asuba de s’ortografia e de sa stória de sa Sardigna. Il letzionis no ant a essi iscéti aintru de s’aposentu ma arreu peri sa bidda, po iscoberri is crésias e is logus prus de interessu istóricu -culturali de Seddori, donendi aici un’esperiéntzia pràtica e funguda chi permitit de avalorai de prus ancora s’istória e s’arti sarda a manera direta.
Su cursu po s’ativai depit tenni assumancu 15 iscritus.
Po s’iscriri bastat a cumpilai su mollu e a ddu intregai aintru de s’8 de abrili a s’indiritzu e-mail a.zara@comune.sanluri.su.it o a ddu portai a manu in s’Ufítziu Cultura chi est in su primu pianu de su Munitzípiu. Po pediri àterus informus si podit cuntatai su númeru 3400924454 o mandai una e-mail a gio.serpi@comune.sanluri.su.it.
Su cursu ddu finàntziat sa Regione Autònoma de sa Sardigna cun su dinai de is L. 482/99 e L.R 22/2018 po s’annualidadi 2024.