SARDU

Comunu de Giauni e Comunu de Mara Arbarei: In Marmidda, in is comunus de Giauni e Mara Arbarei, is portalitus de sa Lìngua Sarda de sa Provìntzia de su Sud Sardigna aparìciant cursus de arfabbetizadura  a su sardu. Funt cursus de 15 oras cuncordaus po nci fai acostai a su sardu is chi no tenint cunfiàntzia meda cun sa lìngua. In Giauni at a essi dònnia cenàbara a partiri de su 29 de su mesi de Martzu de is 4.30 a is 7.30 de a merii. Is atras diis funt 5, 12, 19, 26 de su mesi de abrili. In Mara Arbarei dònnia lunis a partiri de su 25 de su mesi de Martzu sempri de is 4.30 a is 7.30 de a merii. Is atras datas funt 1, 8, 15, 29 de su mesi de Abrili. Is duas oficinas ant a essi allichidias mellus apustis de essi arriciu is assentaduras, cunforma a s’edadi e a is disìgius de is discentis. Is cursus funt sighius de s’oberadori de is portalitus de is duus comunus Fàbbiu Usala Friàrgiu. Po pipius piticheddus sa didàtiga at a essi didàtiga de giogus e cantzonis, po pipius pagu pagu prus mannus contus, cantzonis e pagu pagu grafia, po is mannus contus po mannus, ligidura e imparu de sa grafia. Custas fainas sighint su mori pigau de diora de sa Provìntzia de su Sud Sardigna cun sa polìtiga faci a su bilinguismu. Fainas de importu po s’amparu e sa spainadura de sa lìngua e de sa curtura sarda.