SARDU

Comunu de Casteddu: Prima tzitadi italiana, Casteddu at a strangiai, in cuntemporànea cun San Diego in Califórnia, s’ammosta “Galileo Galilei – Misurare l’infinito”, cuncordada in sa Passillada de su Bastioni de Saint Remy, chi su púbblicu dda podit bisitai de su 12 de Martzu fintzas a su 12 de Làmpadas 2022.

Pustis de 380 annus chi s’est mortu su grandu scientziau, chi cun is scobertas suas at rivolutzionau sa stória de s’Umanidadi, s’ammosta si fait fai unu biaxi chi partit de is scobertas de Galileo Galilei e lompit faci a sa sciéntzia moderna.

In totu ddoi funt bintitres màchinas, e no totus connotas, intra custas puru una reprodutzioni de su telescópiu famau, ant a permiti a mannus e pipius de scoberri su mundu spantosu de su grandu astrónumu, físicu e matemàticu.

S’ammosta est frunia de vídeus, tàulas spricadoras in tres línguas diferentis (italianu, inglesu e sardu) chi ant a agiudai is bisitadoris a intrai in su mundu spantosu de Galilei.