SARDU
Comunu de Biddacidru: Inghitzat giòbia su 28 de abrili su tretu de is presentatzionis asuba sa “Letteratura e Poesia al femminile” organizau de s’assòtziu culturali Su club de Jane Austen Sardigna, abetendi su Festival de punna de su circulu literàriu prus mannu de s’Itàlia “Dicembre Letterario-Meseidas Literàriu”, arribau a sa de VII Editzioni. Is atòbius s’ant a fai in totu sa regioni e me is tzitadis de Casteddu, Nùgoro, Pramantellu, Biddacidru e in Facebook. Otu atòbius po chistionai e de s’universu feminili chi si spartzinat intra is esperièntzias artistìcas de is scritoras chi partetzipant e s’umanidadi de is protagonistas de is romanzus chi ant a essi presentaus a su pùblicu. Òspitis de sa rassinna: Francesco Abate, Cristina Caboni, Giulia Caminito, Cristian Mannu e Sarah I. Belmonte.
SU PROGRAMMA
Giòbia su 28 de abrili a is ses de a merì, in su Spazio Ilisso in Nùgoro, Francesco Abate presentat “Il complotto dei Calafati”. Arraxonat cun su scritori Graziella Monni.
Sàbudu su 30 de abrili a is cincu de a merì, in su Il Giardino di Lu, in Pramantellu, Cristina Caboni presenta “La ragazza dei colori”. Chistionat cun sa scritora Nadia Paddeu.
Mèrcuris su 4 de maju a is ses e mesu de a merì, in sa pàgina facebook de su club de Jane Austen Sardigna, Giulia Caminito presentat “L’acqua del lago non è mai dolce”. Arraxonat cun sa scritora Matteo Porru.
Domìnigu s’8 de maju a is ses e mesu de a merì, in su Caffè Letterario in Biddacidru, Francesco Abate presentat “Il complotto dei Calafati”. Fueddat sun su scritori Giuditta Sireus.
Sa cida afatanti, sempri in su Caffè Letterario, a is ses e mesu de a merì Cristian Mannu presentat “Ritratto di donna”. Arrexonant cun su scritori Valeria Pecora e Matteo Porru.
Giòbia su 26 de maju a is ses e mesu de a merì, ddoi at a essi Sarah I. Belmonte ca presentat “La pittrice di Tokyo” in su Caffè Letterario de Biddacidru. Fueddat cun sa scritora Alessandra Ghiani.
Cenàbara su 27 de maju a is ses e mesu de a merì, Sarah I. Belmonte at a essi òspiti de sa Fondatzioni Giuseppe Siotto in Casteddu cun “La pittrice di Tokyo”. Arraxonat cun sa scritora Ciro Auriemma.
Sàbudu su 28 de maju a is ses de a merì in sa Libreria Mieleamaro de Nùgoro, Cristian Mannu presentat “Ritratto di donna”. Chistionat cun su scritori Simonetta Selloni.
Totus is atòbius funt a indonu. Tocat a si prenotai imbiendi una mail a s’indiritzu segreteria@janeaustensardegna.com