SARDU

Comunu de Gùspini: Sa Commissioni Ogualis oportunidadis de Gúspini, paris cun sa Biblioteca Sergio Atzeni – Sistema Bibliotecàriu Monti Linas - in s’àmbitu de is propostas previdias in ocasioni de sa Dí mondiali contras a sa violéntzia contras a is femminas at pentzau de realizai su progetu “Scaffale di Genere”

Su 23 de Donniasantu a is 5 de a merí in is aposentus de sa Biblioteca Sergio Atzeni s’at a inaugurai, cun sa preséntzia de sa Dotora Francesca Marras de su Centru Antivioléntzia “Donna Eleonora” de Aristanis, sa Libreria de is fémminas, unu parastàgiu innui ddoi funt unus cantu slibru ssceberaus po donai un’agiudu a fai cresci sa cultura de genia, no cun d-una campagna clàssica, ma cun d-un’aina posta a disponimentu de sa comunidadi.

Is librus chi ddoi funt in su parastàgiu, mancai no funt contus sceti, ma scritus po fai sciri. No sempri po denuntziai. 

Calincuna est de fantasia, ma mancai iant a podi èssiri beridad ipuru, e a dolumannu andant prus ainnantis de s’immaginatzioni.

Funt stórias de violéntzia física e psicológica, in famíllia, stórias de babbus e mammas chi donant is fillas in sacrifítziu, de maridus prontus de manus e malus de coru.

Funt acadéssias in dónnia logu de su mundu, poita sa sunfridura de is fémminas, is cumbatas, is distintzionis no tenant làcana.

Funt stórias chi cumentzant e acabbant, cumprias. Candu s’acabbu est una bíncida, mancai sunfria, s’ingollit a fatu unu filixeddu de spera, atras bortas ponint in càstiu, ti faint biri de innui ndi podis bessiri, donant imparamentus sempri.