SARDU

Comunu de Gùspini: Su 27 de Gennàrgiu est sa Dii de sa Memória, Gúspini ddu tzelebbrat cun is fueddus de Sandro Pertini, imprentadas in 15 poster mannus apicaus in is murus de sa tzitadi: "A palas de donniunu de is artículus de sa Carta Costitutzionali ddoi funt centus e prus giòvunus mortus in sa Resisténtzia. Duncas sa Repúbblica est una cunchista nosta e dda depeus amparai, in dònnia modu [...] In custu sentidu sa Resisténtzia sighit."

Sa Dii de sa Memória est un’acontéssiu internatzionali chi si tzelebbrat dónnia annu su 27 de Gennàrgiu po ammentai is mortus in s’Olocàustu. Diaici iant detzidiu in sa risolutzioni  60/7 de s'Assemblea generali de is Natzionis Unias de su 1º de Donnaisantu 2005, in su de 42 acorrus plenàrius. Innantis de sa risolutzioni si fiat fata una sessioni speciali su 24 de Gennàrgiu 2005 innui s'Assemblea generali de is Natzionis Unias iat tzelebrau su de sessanta anniversàrius de sa libberatzioni de is campus de cuncentramentu e sa fini de s’Olocàustu.  

S’est detzidiu de tzelebbrai sa Dii de sa Memória  dónnia 27 de Gennàrgiu giai ca cussa dii de su 1945 is trupas de s’Armata Rossa, chi fiant ocupaus in s’ofensa Vistola-Oder faci a sa Germania, iant libberau su campu de cuncentramentu de Auschwitz.