SARDU

Comunu de Serrenti: Su Comunu de Serrenti paris cun su Consórtziu Territoriali Network Etico Italia, aparíciat duas andadas po minoreddus de is 6 a is 14 anus:

• Cenàbara su 30 de Làmpadas Andada a su Parcu Aventura de Pula po pipieddus de is 6 a is 9 annus
• Cenàbara su 28 de Meseargiolas Andada a su BluFan de Sarroch po piciocheddus de is 10 a is 14 annus

Is iscritzionis si podint fai in su ex Esmas de Bia Nazionale n. 240, a marolla in custas diis e oràrius:

• Lunis su 19 de Làmpadas de is 9 oras a mesudii (9:00 - 12:00)
• Martis su 20 de Làmpadas de is 9 oras a mesudii (9:00 - 12:00)
• Gióbia su 22 de Làmpadas de is 3 a is 6 de a merii (15:00 - 18:00)

Podint partetzipai unu màssimu de 40 minoreddus in dónnia andada e is domandas s’ant a arriciri sighendi s’órdini cumenti lómpint.

S’atóbiu po ambeduas is andadas est a is 8 e mesu de a mengianu in sa bia Gramsci, a faci de sa scola, e si fúrriat a is 6 de a merii (18.00).