SARDU

Comunu de Domusnoas: Lunis 11 de gennàrgiu at torrau a incumentzai su servìtziu de imprèstidu e torrada de is librus in sa biblioteca Comunale “Gesualdo Pellegrini”. Su servìtziu funtzionat po apuntamentu. Is utentis po scioberai is librus depint castiai su catàlogu OPAC in sa retza (http://opac.regione.sardegna.it/SebinaOpac/query/…), opuru podint telefonai diretamenti a is operadoris (0781/7032 internu 3) o mandai una mail a biblioteca.domusnovas@sbis.it .

Is utentis po arritirai o torrai is librus depint pigai apuntamentu e in sa fentana chi est acanta de s’intrada agatant una cascita aundi ant a lassai is testus chi depint torrai o ndi pigant is librus/cd/dvd chi ant ordinau. Si in casu fessit netzessàriu is utentis podint fueddai cun is operadoris abarrendi a palas de is fentanas. Arregordaus a totus chi est pretzisu a rispetai s’oràriu stabiliu e de non si-ndi scaresci de si ponni sa mascaredda, de mantenni sa distàtnzia de siguresa e chi po nisciuna arrexoni si podit imbucai a intrus de sa biblioteca chi est oberta dònnia mengianu de is 9:00 a is 13:00 de lunis a cenàbra, su martis a merì de is 4 a is 7.