SARDU
Comunu de Gùspini: Su Tzentru de Agregatzioni sotziali de Gúspini presentat " Efísiu e sa pesta" de e cun Daniele Pettinau, unu spetàculu teatrali de buratinus chi si fait sàbudu 18 de Meseidas a is 5 de a merí in su cineteatru Murgia de Bia Pio Piras.
"Su spetàculu est unu biaxi in su tempus e in sa fantasia. A Sant’Efis totus ddu connosceus, ca sa nomena sua lompit a innantis, cumenti a Santu stimau in totu Sardigna e totus scieus ca Casteddu si fiat sarvada de un’epidemia lègia meda de pesta niedda gràtzias a s’agiudu suu!
Ma su chi no scieus est cumenti. Duncas sennoris pipius, su spetàculu de custu merí si contat de “CUMENTI” Efis iat bínciu sa pesta diventendi s’eroi de totus is Sardus.”
Su spetàculu est a indonu e andat beni po is famíllias e is piciocus e piciocas de totus is edadi. Po intrai tocat a tenni e a ammostai su green pass afortiau po totus is personas a partiri de is 12 annus .
Si cunsillat de lompi assumancu mesoredda innantis de su cumintzu de su spetàculu.