SARDU
Comunu de Escovedu: Fonti: "La gazzetta del Medio Campidano": Sighit s’atividadi de s’istadi de s’Assòtziu Culturali Palazzo d’Inverno chi proponit cuncertus in totu su territòriu circhendi de fai partetzipai genti de dònnia edadi. Sàbudu su 30 de argiolas a is dexi e mesu de noti in Pratza Funtanedda in su Comunu de Escovedu (Or) ddoi at a essi su cuncertu de Randagiu Sardu chi at a cantai impari a Stefano Casti, Davide Crabu e Maurizio Vizilio. Sa manifestatzioni est aprontada cun s’agiudu de su Comunu de Usellus e in collaboratzioni cun sa Regioni Autònoma de sa Sardigna Assessorau Istrutzioni Pùbblica Benis Culturalis Informatzionis Spetàculu e Sport. Sa serada bidi cumenti a protagonista unu intra is artistas musicalis de s’ìsula prus de importu mannu chi cantant in limba cun d-unu stili amesturau intra hip hop e raggamuffin. S’artista seddoresu cantat in sardu campidanesu e acapiat sa mùsica a is argumentus sotzialis, a sa stòria e a su territòriu. Carlo Concu, in arti Randagiu Sardu, nàsciu in Seddori inghitzat sonendi sa batèria. A pustis s’acostat a sa cultura hip hop provendi a baddai breakdance in sa bia e ascurtendi su rap e perdit sa conca po su reggae e su raggamuffin. Sa mùsica sua nascit e bivit in bidda est prena de vida e sintzilla, pigat parti a una cultura chi no rinnegat is arrèxinis suas ma castiat a su benidori e chistionat cun su mundu chi mudat. Is cantzonis funt de argumentus bàlidus ma afrontaus cun ironia, fatus de rimas in italianu chena mai si ndi scaresci sa lìngua de bartzolu, acostant sa genti a is argumentus de s’identidadi isolana. Totu custu benit fatu cun d-una energia forti chi fait baddai a totus. Unu atòbiu duncas ca no si depeis perdi, chi s’at a fai in d-una bidda pitichedda e bella meda de sa Marmidda Arta, tra domus antigas e su Monti Arci.
ITALIANO
Comune di Escovedu: Fonte: "La gazzetta del Medio Campidano": Prosegue l’intensa attività estiva dell’Associazione Culturale Palazzo d’Inverno che propone live in tutto il territorio con occhio attento al raggiungimento di nuovi target d’interesse. Prossima data in calendario sabato 30 Luglio alle 22.30 in Piazza Funtanedda a Escovedu (Or) con il concerto di Randagiu Sardu che si esibirà assieme a Stefano Casti, Davide Crabu e Maurizio Vizilio. La manifestazione è realizzata con il contributo del Comune di Usellus e in collaborazione con con la Regione Autonoma della Sardegna Assessorato Pubblica Istruzione Beni Culturali Informazione Spettacolo Sport. La serata vede protagonista uno fra i più importanti artisti musicali isolani che si esprimono in limba attraverso un originalissimo stile misto di hip hop e raggamuffin. L’artista sanlurese canta in sardo campidanese e lega la sua musica alle tematiche sociali, alla storia, all’ambiente e al territorio. Carlo Concu, in arte Randagiu Sardu, nato nelle terre sanluresi e da sempre amante di tutto ciò che produce un rumore, un ritmo, un suono, si avvicina alla musica suonando le percussioni e la batteria. La sua passione si concretizza quando si avvicina alla cultura hip hop dapprima provando a ballare breakdance in strada ed ascoltando il rap e poi innamorandosi del reggae e del raggamuffin. La sua musica nasce e vive in una dimensione rurale, piena di vita e di sincera partecipazione alle dinamiche di una cultura che non rinnega le proprie origini ma si affaccia a un mondo in continua evoluzione. I testi impegnati ed ironici, fatti di rime in italiano senza mai dimenticare la lingua madre sarda, avvicinano il pubblico ai temi forti dell’identità isolana. Tutto questo attraverso una modalità dove l’energia vola alta e si fa fluida tra ritmi impetuosi e il coinvolgimento del pubblico. Un appuntamento quindi da non perdere, immerso nella magica atmosfera di uno dei borghi più piccoli dell’Alta Marmilla, tra antichi edifici e la possente natura del Monte Arci.
