SARDU
Comunu de Samassi: Pustis de is annus difítzilis de sa pandemia, in Samassi funt in su mesu de sa faina po ndi pesai sa de 33 editzionis de sa Festa manna de sa Canciofa de Samassi. Sa festa dedicada a s’ortalítzia prus famada, bàntidu de su Campidanu de bàsciu e de su Campidanu de mesu, si fait su 16, 17, 18 e 19 de Martzu 2023 (de su gióbia a su domínigu).
S’acontéssiu stràngiat fintzas sa de XXII editzionis de sa “Fiera agroalimentari de su Campidanu de Mesu” e su programma de 4 diis est pratziu intra “domus e lollas” in su tzentru stóricu, gastronomia e tastaduras, folclori, labboratórius, arti, sport e alentadura.
Programma:
Gióbia, su 16 de Martzu 2023:
- Labboratórius didàticus;
- Presentada de su libru: “Làdiri”.
Cenàbara, su 17 de Martzu 2023:
- Cunvegnu temàticu: “Il packaging in agricoltura, tra sostenibilità e innovazione”.
Sàbudu, su 18 de Martzu 2023:
- Fiera agroalimentari de su Campidanu de mesu;
- Domus e lollas;
- Tour de is domus in làdiri;
- Canciofa Street Food;
- Abbísitas ghiadas;
- Labboratórius de gustu, artis e mestieris;
- Spetàculus musicalis.
Domínigu, su 19 de Martzu 2023:
- Marcialonga de sa canciofa;
- Fiera agroalimentari de su Campidanu de mesu;
- Domus e lollas;
- Canciofa Street Food;
- Abbísitas ghiadas;
- Labboratórius de gustu, artis e mestieris;
- Spetàculus musicalis.
Chi boleis connosci is initziativas in programma, sciri innui podeis papai, innui podeis dromiri, is logus de interessu stóricu de abbisitai e is àreas ancu si podit parchegiai, podeis sighiri si giassu de su Comunu de Samassi, sa pàgina Facebook de su Comunu de Samassi e cussa de sa Pro loco.