SARDU
Comunu de Guasila: Fonti: Casteddu on Line. Sa Sindaghissa Paola Casula: "Su trabballu de totu una comunidadi po donai sa possibilidadi a is gióvunus, "Su Festival "est su resúmini de una comunidadi intrea, sa de Guasila, chi dónnia annu si ponit in giogu ammostendi de non bolli scéti scampai a su stadu de is cosas ma chi gherrat po provai a ddas furriai, creendi calisiat oportunidadi de profetu e interessamentus nous po is gióvunus, fintzas a ddus fai pentzai riguardu a su benidori cosa insoru". Funt custus is fueddus chi sa Sindaghissa de Guasila, Paola Casula, at umperau po spricai in crutzu su sensu prus fungudu de su "Festival dell'Altrove", dedicau a s'antropólogu e studiosu de nomena internatzionali, nàsciu in Guasila, Giulio Angioni, ocanu sa manifestatzioni est a sa de 3 editzionis e est stétia presentada custu mengianu in s'interis de sa cunferéntzia po is giornalis in sa "Fondazione Sardegna" in Casteddu, in bia Salvatore da Horta. Sa "Fondazione Sardegna" ocannu at finantziau su "Festival".
Su cuncursu literàriu imparis a su Prémiu tesi de Laurea est su de tres annus de sighiu chi si fait in Guasila su 25 e su 26 de Meseladàmini.
S'argumentu chi is candidaus depiant afrontai, in is contus cosa insoru, fiat "Fare, Dire, Sentire: l'identico e il diverso nelle culture".
"Po una bidda pitichedda cumenti a Guasila – at sighiu sa Sindaghissa Casula – essi acapiada a su nómini de Giulio Angioni non podit essi chi motivu de artivesa e de bantu. Su "Festival dell'Altrove" si proponit cumenti a atóbiu culturali annuali, cun sa tarea dópia de onorai sa memória de su cuntzitadinu e pruschetotu de donai a sa populatzioni un'ocasioni de créscida culturali e de aunidadi sotziali. Eus apariciau una manifestatzioni chi interessat totus is cuntestus sotzialis de sa comunidadi guasilesa e is comunidadis de aroru puru, cun sa tarea de includi in unu progetu agudissiosu totus is chi bolint partitzipai, chi càstiat a su presenti proietendisi faci a su benidori. Su disafiu est su de sutaliniai su potentziali mannu de is biddas, chi non tenint nudda de mancu respetu a is tzitadis. Is gióvunus, in prus, depint pigai cusciéntzia de s'abbisóngiu de sa partitzipatzioni cosa insoru a sa costrutzioni e a su svilupu de sa comunidadi".
Is primu tres premiaus arritzint unu cumpensu in dinai: a su bincidori andant 2000 èurus, sa targa e cincu cópias de s'antologia. A su segundu crassificau spetant 700 éurus, sa targa e 5 cópias de s'antologia, a su de tres intamis andant 300 éurus, sa targa e antologia.
Su resurtau de su cuncursu ddu pubricant in su giassu www.comuneguasila.gov.it e in "Facebook" in su spàtziu dedicau a "Festival dell'Altrove" in s'acàpiu:https://wwww.facebook.com/FestivalAltroveGuasila.
"Prémio Giulio Angioni per tesi di Laurea" –
A su cuncursu po s'intregadura de su "Prémio Giulio Angioni per tesi di laurea 2^ editzioni" podint partitzipai is gióvunus chi ant pigau una làurea magistrali (sa làurea spetzialística bécia), o sa làurea triennali cunformas a s'ordinamentu nou de is stúdius universitàrius, arrexonada in una de is sessionis de esàmini chi arruit intra de Meseladàmini 2018 e Cabudanni 2019. Su Comunu de Guasila, sémpiri imparis cun s'Assótziu "Figli d'Arte Medas", bolit favoressi s'aprofundamentu de is stúdius e de sa formatzioni de is gióvunus apenas laureaus nàscius, pesaus o residentis in Guasila.
"Aspettando il Festival" (abetendi su Festival).
Ocannu puru innantis de su "Festival" ant fatu s'acontéssiu "A su scurigadroxu in bixinau", momentu chi at strangiau autoris de nomena regionali e natzionali, permitendi chi si acostessint a sa letura totus is personas e non scéti a is amantiosus. In s'editzioni de ocannu su programma est arricau de acontéssius isportivus e enogastronómicus, innui s'agregatzioni intra de is personas e s'identidadi de unu pópulu po médiu de is prodotus cosa sua si acapiant a pari po su svilupu culturali de sa comunidadi.
ITALIANO
Comune di Guasila: Fonte: Casteddu on Line.
La sindaca Paola Casula: “Il lavoro di una comunità intera per dare opportunità ai giovani”“Il Festival è la sintesi di una intera comunità, quella guasilese, che ogni anno si mette in gioco dimostrando di non voler solo sopravvivere allo stato delle cose ma che combatte per provare a sovvertirle, creando qualsiasi buona opportunità e nuovi interessi per i giovani, fino a portarli a riflettere sulla costruzione del proprio futuro”. Sono queste le parole che ha usato la sindaca di Guasila Paola Casula per sintetizzare il senso più profondo del Festival dell’Altrove. Dedicato all’antropologo e studioso di fama internazionale, nativo di Guasila, Giulio Angioni, quest’anno la manifestazione è alla sua terza edizione, ed è stata presentata questa mattina durante uan conferenza stampa alla Fondazione di Sardegna a Cagliari in via Salvatore da Horta. La Fondazione di Sardegna quest’anno ha finanziato il Festival.
Il concorso letterario, insieme al Premio tesi di Laurea, si terrà infatti a Guasila per il terzo anno consecutivo nelle giornate del 25 e 26 ottobre.
I candidati sono stati chiamati a declinare, nella stesura del proprio racconto, il tema “Fare, Dire, Sentire: l’identico e il diverso nelle culture”. L’argomento ha dato modo ai candidati di spaziare e toccare diversi aspetti del vivere e del pensiero dell’uomo, inteso come singolo o come comunità, e ancora ambiti sociali e culturali nel rapporto tra le persone provenienti da diversi mondi, esperienze, mestieri.
“Per un piccolo centro come Guasila – ha proseguito la sindaca Casula – essere associato al nome di Giulio Angioni non può che costituire motivo di vanto e orgoglio. Il Festival dell’Altrove si propone come appuntamento culturale annuale, con il duplice scopo di onorare la memoria dell’illustre concittadino e soprattutto di offrire alla popolazione un’occasione di crescita culturale e di coesione sociale. Abbiamo proposto una manifestazione che coinvolge tutti gli ambiti sociali della comunità guasilese, ma anche di tutte le comunità circostanti, con l’obiettivo di includere in un progetto ambizioso chiunque volesse partecipare, che guarda al presente proiettandosi verso il futuro. La sfida è quella di sottolineare il grande potenziale dei paesi, che nulla hanno di meno rispetto alle grandi città. I giovani devono inoltre prendere consapevolezza della necessità della loro partecipazione alla costruzione e sviluppo della comunità”.
I primi tre premiati riceveranno inoltre un compenso in denaro: al vincitore va la somma di 2mila euro, la targa e 5 copie dell’antologia. Al secondo classificato 700 euro, targa e 5 copie antologia, e infine a chi conquisterà il terzo gradino del podio 300 euro, targa e antologia.
L’esito del concorso verrà pubblicato sul sito internet www.comuneguasila.gov.it e sullo spazio Facebook “Festival dell’Altrove” al link: https://www.facebook.com/FestivalAltroveGuasila .
“Premio Giulio Angioni per tesi di laurea” – Al concorso per l’assegnazione del “Premio Giulio Angioni per tesi di laurea 2° edizione” potranno partecipare i giovani che hanno conseguito una laurea magistrale (ex laurea specialistica), o laurea triennale secondo il nuovo ordinamento degli studi universitari, discussa presso in una delle sessioni di esame comprese nell’arco di tempo tra ottobre 2018 e settembre 2019. Il Comune di Guasila, sempre in collaborazione con l’Associazione Figli d’Arte Medas, vuole così favorire l’approfondimento degli studi e della formazione dei giovani neo-laureati nati, vissuti o residenti a Guasila.
Aspettando il Festival. Il Festival anche quest’anno è stato anticipato dell’evento “A su scurigadroxu in bixinau”, momento nel quale sono stati ospitati autori di fama regionale e nazionale, permettendo che si avvicinassero alla lettura tutte le persone e non solo gli appassionati. In questa edizione il programma è arricchito da eventi sportivi ed enogastronomici, in cui l’aggregazione tra le persone e l’identità di un popolo tramite i suoi prodotti si intrecciano per lo sviluppo culturale della comunità.
