SARDU
Comunu de Samassi: Unu laboratòriu de dibatus e discussionis, po arrexonai imparis in susu de su territoriu e de is isfidas de is tempus de oi.
Atruessu de medas argumentus de s’istoria nosta e de s’atualidadi, chi su grupu at a scioberai e circai imparis, eus a nosi ponni preguntas abertas chi fortzis nos’ant a podi agiudai in sa vida de dònnia dì.
- Cali funt is problemas chi is comunidadis nostas bivint?
- Ita podeus fai nosu, de aintru ‘e sa comunidadi, po agatai arrespostas a custus problemas chene abetai sempri chi siant atrus a ddus arresolvi po nosu etotu?
- S’agatant esempius de atras comunidadis, innoi in Sardigna o in terramanna o de atrus logus de su mundu), chi nosi potzant ispirai po castiai a is problemas nostus in d’una atra manera?
Tocat a torrai a chistionai de custas legas in sa lingua nosta, poita in sa lingua nosta bivit sa capatzidadi de agatai sentidus nous e atras maneras po s’incrarai a su tempu benidori.
Su Laboratòriu Sa Forredda ‘e su connotu at a essi de 10 atòbius de tres oras donniunu, intra de is mesis de ladàmini, dognassantu, nadali 2022.
A su laboratòriu ddoi ant a podi pigai parti giòvunus e mannus chi bolint chistionai su sardu, assòtzius, consultas de giòvunus, cambaradas culturalis chi bivint e traballant me in su territòriu de Samassi.
Su laboratòriu at a essi gratis, is chi bollint partitzipai si podint inscriri cumpilendi su mollu alliongiau, chi bolit mandau a s'indiritzu email o a su nùmeru cosa nosta intru de su 30 de cabudanni.
Su laboratòriu at essi me is merìs de is giobias o de is cenabaras.
Po informatzionis e po is iscritzionis podeis iscriri a s’indiritzu: agoa.srd@gmail.com o tzerriai a su nùmeru 3312305341.