SARDU
Comunu de Geroni: Progetu po is giòvunus de su Tzentru Sardigna. Mércuris 20 de Meseladàmini 2021, a is cincu e mesu de a merí (h. 17:30), in direta "streaming" in sa pàgina Facebook de s'assótziu "Malik" nc'est sa presentada ufitziali de su progetu MOCORE (unu progetu po Mobbilitai, Collegai e Responsabbilizai is giòvunus de su tzentru Sardigna).
Su progetu dd'at presentau su Comunu de Onieri chi est comunu cabufila e tenit cumenti a alleaus: Unioni de is Comunus Barbàgia, Comunidadi Montana Barbàgia 'e Seùlu, Comunu de Ulìana, Comunu de Durgali, Malik E.T.S., Eurodesk Italy, Lariso Cooperativa Sociale e Associazione Mariolè.
Po médiu de s'interessamentu diretu de sa populatzioni intra de is 16 a is 35 annus de is territórius interessaus, si bolit costruiri arrespustas a is disafius sotzialis prus importantis chi su cuntestu atuali proponit, a sa luxi puru de sa pandemia de Covid19.
Is atzionis de animatzioni territoriali printzipalis chi s'assótziu Malik individuat cumenti a fundamentalis po sodigai s'obietivu funt:
- labboratórius itinerantis de progetatzioni partitzipada e "capacity building";
- Creatzioni de unu "network" de is organizatzionis giovanilis cun sa tarea de costituiri sa primu "Consulta de is Assótzius giovanilis de su Tzentru Sardigna";
- Atóbius cun rapresentantis de is istitutzionis e simulatzionis de su Cuntzillu comunali cun sa tarea de acostai is giòvunus a is istitutzionis e a su funtzionamentu cosa insoru, labboratórius de partitzipatzioni políticas de is giòvunus a is protzessus detzisionalis de su territóriu;
- Creatzioni de una "web TV" e de unu "Blog" chi contant su svilupu de su progetu e donant boxi a is giòvunu protagonistas de su territóriu.