SARDU

Comunu de Gùspini:  In osservàntzia de is dispositzionis de su DPCM de su 4 de Martzu 2020 chi pertocant is provedimentus contras a sa spartzinadura de su Corona virus (covid-19), s'acontéssiu :"Sa nurdiadura in s'Universu femmininu" chi si depiat fai su 7 de Martzu in ocasioni de Sa Giornada Internatzionali de sa Fémmina, est stétiu trentziu a data de detzidi.

_____________________________________________________________________________________________________________________________________________________________

S’Assótziu Femmininu de Voluntariau “XConoscereXFare” e su “Auser- Gùspini" – in ocasioni de Sa Giornada Internatzionali de sa Fémmina – organizat un’atóbiu asuba de “ Sa nurdiadura in s’Universu femmininu” su 7 de Martzu 2020, a is cuatru de a merí (16.00) in is Domus a Corti in bia Caprera.

“Sa nurdiadura in sa fémmina est un’aspetu de fundamentu in totus is períodus de sa vida, de s’infàntzia a sa becesa. Sa tarea de s’atóbiu, scriint is organizadoris, est sa de prumovi, a parti un’alimentatzioni giusta, su sodigamentu de su stadu de benéssiri psicofísicu, po médiu de s’atividadi física e su smenguamentu de su “stress”, po prevenni is maladias caraterísticas de s’era moderna.

Oi – sighint in su comunicau – sa fémmina de sa sotziedadi cosa nosta bivit in unu stadu de indipendéntzia culturali e sotziali mannu chi ddi permitit de operai in manera autònoma is scioberus fitianus, inclúdius cussus de sa nurdiadura   fatuvatu  cunditzionaus de su caratiri consumísticu propostu de is “média” .

A su contràrius custa proposta bolit éssiri un’ocasioni de trasmissioni de sa “Connoscéntzia”, chi est calincuna cosa de diferenti de s’informatzioni simpli, giai chi est una forma particolari de “sciri”, cussu  “sciri chi est su fundamentu de is scioberus cuscientis chi donniunu de nosu podit fai”.

Chistionaus de totu custu cun sa Dot.ra Marta Sanna, Biòloga Nutrizionista