SARDU

Comunu de Gonnesa: In Prag’e Mesu ant incumentzau s’atividadi s’infopoint point turìsticu e su servìtziu de biblioteca chi funt ativus finas a su 30 de Austu. S’infopoint ddu gestit su  “Consorzio Turistico per l’Iglesiente” e donat informatzionis a is turistas a pitzus de is situs de su territòriu. Su servìtziu de imprèstidu de is lìburus dipendit de sa biblioteca comunali e a cantu parit dd'agradessint meda pruscatotu is pipius ma fintzas is prus mannus si acostant a pigai unu lìburu (abastat sceti su documentu de identidadi po sa registratzioni).

In su mentris s’Amministratzioni Comunali, cun sa collaboratzioni de sa Fundatzioni de su Camminu de Santa Bràbara, at intregau sa gestioni de is bìsitas a su nuraxi de Seruci a s’assòtziu Villa Conesa. Su Nuraxi si podit bisitai dònnia dii, francu che su lunis, de is 7 de merì. Su prètziu de sa bìsita est 13 èursu e includit puru s’aperitivu de gosai a s’ora de scurigai. Po podi bisitai su monumentu tocat a prenotai telefondendi a su 3927503172. In prus S’Amministratzioni Comunali in pari a is assòtzius localis at cuncordau una sèrie de eventus po totu s’istadi: si andat de is presentadas de lìbrus a spetàculus musicalis e tastus de is mellus produtzionis enogastronòmicas localis finas a is passilladas a de noti cun is espertus de astrofìsica chi ant a spiegai is costellatzionis cun mitus e legendas.