Su Comunu at publicau is graduatórias de chini at pregontau su “Rimbussu Spesas Scolasticas A.S.2023/2024” e “Rimbussu Librus de Testu A.S.2024/2025”.

Po agiudai sa consultazioni is elencus funt ordinaus sighendi s’ ordini progressivu de sa boxi “Preguntadori Códixi Fiscali Privacy”.

Si podint presentai eventualis osservatzionis e/o preguntas de riesami a su Servítziu Prísia imbiendi una mail a protocollo@comune.sanluri.su.it o a sa pec protocollo@pec.comune.sanluri.su.it  aintru de su 25 de Meseidas 2024.

Pràtigas “Ammítias cun Riserva”

A is pràtigas depit essi aciunta sa documentazioni chi si agatat in sa colunna “Motivu” aintru e non prus a tradu de su 25 de Meseidas, pena s’esclusioni de su contributu.

Sighendi is inditus operativus aprovaus de sa Regioni Autónoma de Sardigna, is risorsas disponíbilis po ónnia interventu funt partzidas segundu is dispositzionis chi sighint:

 -Po is spesas scolàsticas: partzidura in partis ugualis intra de is beneficiàrius, abbanda de sa scola frecuentada;

-Po is Bonus Librus: aplicatzioni de una percentuali de rimbussu paris a su 99% po is studiantis de is scolas segundàrias de I° gradu e de is scolas segundàrias de II° gradu, po totus segundu sa spesa fata e provada.

A 15 diis de sa publicatzioni de custu Avisu, at a essi publicada sa gradutória “Definitiva” chi at a pigai in cunsideru is eventualis integratzionis de parti de cussus chi fiant “Ammítius cun riserva”.