SARDU
Comunu de Gùspini: In ocasioni de is afestamentus de is 150 annus chi est nàscia, si nd’acataus de cumenti Gràtzia Deledda siat diventada immortali po mesu de is óperas suas, chi espressant atualidadi, femminesa, fortza e dilicadesa totu paris.
Sa dilicadesa de sa pinna sua at contau sa Paschixedda puru, a cumentzai de is figuras traditzionalis chi ddu pertocant, de sa Núgoro sua stimada e nimiga. .
Chiara Effe, autora, cantautora e musicista casteddaia, si bistit cun custus contus e ddus mudat in cantzonis scriendi unu spetàculu chi praxit a mannus e pipius.
Ses stórias de Paschixedda contadas e cantadas, in d-un’arrexonamentu chentza de tempus e chentza de logu intra su prémiu Nobel e sa musicista.
S’apuntamentu est su 23 de Meseidas 2021 in is aposentus de sa Biblioteca Comunali "Sergio Atzeni" de Gúspini a is 5 e mesu de a merí.