SARDU
Comunu de Gùspini: Apustis de ai dedicau is editzionis passadas a Sergio Atzeni, Antonio Gramsci, Grazia deledda e joyce Lussu, ocannu sa rassínnia “Autunno d’Autore” est dedicada a chi, de custus tempus, arresistit a su bentu cuntràriu, a chini caminat “In diretzioni ostinata e contraria” .
Su títulu est pigau de una série famada de antologias de Fabrizio De Andrè, cantautori e poeta non allineau chi umperada sa fortza irrispetosa de s’ironia po denuntziai s’ipocrisia spartzinada.
“Bolit essi, duncas, unu messàgiu de libbertadi contras a” is leis de sa grefa” e sa pérdita de sa capatzidadi de bisai unu mundu unu pagu prus giustu, unu mundu prus pagu mischinu – sutaliniat s’Assessora a sa Cultura – Circaus de ddu fai imparis e diaici, truessu su linguàgiu stravanau chi tenit sa Cultura. De àtera parti est sémpiri Issa, s’utopia, a preni de sentidu s’impínniu fitianu cosa nosta e a s’intzullai peri bia”.
Sa rassínnia dda curat s’Assessorau a s’Istrutzioni Púbrica e Cultura de su Comunu de Gùspini e previdit un’ammesturu de acontéssius chi interessant a is scolas e a unu púbricu traversali a inghitzai de gióbia 31 de Meseladàmini fintzas a su 5 de Meseidas 2019.
Is acontéssius funt cumprius imparis cun sa Pro Loco Gùspini, s’ammosta de literadura po pipius “Bimbi a bordo”, Su Sistema Bibliotecàriu “Monte Linas” e su Servítziu Tzivili Universali.
Su Programma
31 de Meseladàmini h. 18,30 (ses de a merí) – Molino Garau
Presentada de su líbburu “Le Janas di Montevecchio” – contus de Iride Peis Concas;
9 de Donniasantu h.18,30 (ses e mesu de a merí) Teatru Comunali, zona Pip
“Le mie canzoni altrui”, cun Neri Marcorè e Domenico Mariorenzi;
22 de Donniasantu h.18,30 (ses e mesu de a merí), Domus a Corti
“Legarsi a Maria – Omaggio a Maria Lai”
Letura -Cuntzertu cun Giacomo Casti, Matteo sau e Arrogalla.
5 de Meseidas h.18,30 (ses e mesu de a merí) – Domus a Corti
Proietzioni de “L’Uomo che comprò la Luna” de Paolo Zucca
Regia: Paolo Zucca
Atoris: Jacopo Cullin, Benito urgu, Stefano Fresi, Francesco Pannofino, Lazar Ristovski, Angela Molina.
Est mellus a si prenotai: prolocoguspini@gmail.com.