SARDU
Comunu de Gùspini: Sa Parróchia de San Nicolò Obispu e s'Atzioni Católica de Gùspini imparis cun su Comunu de Gùspini organizant : "L'Adolescenza tra ribellioni e silenzi", cuferéntzia educativa chi interessat a is babbus e mammas e a totu sa comunidadi educanti, a incuru de su "Centro CREA" , condúsia de Lorenzo Braina. Sa cuferéntzia educativa arrexonat de is crisis evolutivas mannas e piticas chi su piciocheddu e sa famíllia cosa sua podint passai. Is formas de su disàgiu adolescéntziali e familiari si manifestant cumenti a manifestatzionis burdellosas o silentziosas, esplosivas o implosivas, agressivas o depressivas. Sa cuferéntzia si cuntzentrat asuba de custas manifestatzionis o dinàmicas de arrelatu intra de su piciocheddu e su mundu, su piciocheddu e sa famíllia cosa sua.
S'atóbiu est sàbudu 14 de Meseidas 2019, a is cuatru e mesu (16.30), in s'Àula de su Consillu in su fàbricu de su Comunu, in bia Don Minzoni 10, Gùspini.
S'Intrada est líbbera po chini bolit partitzipai.