SARDU
Comunu Gùspini: Su 27 de Gennaxu est sa "Giornada de sa Memoria". Funt previdias propostas diferentis po arremonai is acontéssius tràgicus acapiaus a sa Shoa:
27 de Gennaxu:
- 09.30, a is noioras de a mengianu, est stétiu tzerriau unu Consillu Comunali straordinàriu chi tenit cumenti a órdini de sa dí s'intregadura de sa tzitandinàntzia onorària a Liliana Segre oramai de norant'annus, a is dexi e mesu de a mengianu (10.30, po is scolas), chi at biviu in primu persona su dramma de s'Olocausto (sperdidura) e chi de dexi annus testimóngiat in is scola – e non scéti - su chi ant cumportau is leis ratzialis dedichendi sa vida cosa sua a coltivai sa memória "cumenti a vatzinu contras a s'indiferéntzia".
Immui est acumpangiada de sa scorta po nexi de is ameletzus arricius.
- 10.30, a is dexi e mesu de a mengianu (po is scolas) cunvegnu "Per non dimenticare", unu contu asuba de is guspinesus chi funt stètius deportaus in campu de cuntzentramentu. In su cunvegnu , curau de "La Gazzetta del Medio Campidano", intervenint: Cavalieri Giovanni Fenu de s' Anpi Aristanis e is fillus de is guspinesus chi dd'ant donau sa Medàllia de Onori.
- 17.30, a is cincu e mesu de a merí, in sa Biblioteca Comunali "Sergio Atzeni" su scenegiadori e autori de líbburus po piciocheddus, Andrea Pau presentat su romanzu cosa sua: "Nome di battaglia Magda" (Solferino 2019), chi si torrat a fai a una stória bera acontéssia in Varsavia in su 1944 innui tres piciocheddus, si aunint a sa Resisténtzia polaca po nci bogai s'invasori nazista.
De su 27 de Gennaxu fintzas a su 15 de Friaxu in sa Biblioteca Comunali "Sergio Atzeni" ddoi at un'ammosta bibliogràfica asuba de s'argumentu, a incuru de su Sistema Bibliotecàriu "Monte Linas".
" S'indiferéntzia est prus crupau de sa violéntzia etotu. Est s'apatia morali de chi si furriat a s'àtera parti. Sa Memória serbit cumenti a vatzinu contras a s'indiferéntzia" – Liliana Segre.