SARDU
In ocasioni de sa Giornada Internatzionali contras a sa violéntzias contras a is fémminas, cenàbara 23 e sàbudu 24 de Donniasantu 2018, in su cuntestu de sa manifestada "Alle radici della violenza" ( A is arreíxinis de sa violéntzia) nc'est inauguratzioni de is "Panchinas Arrúbias ... dedicadas a is fémminas vítimas de violéntzia" Sèmpiri sàbudu 24 in prus ddoi at un'atóbiu asuba de s'argumentu.
"Una panchina arrúbia bessit elementu de cuntrastu in unu cuntestu tzitadinu familiari, ma chi sa costumàntzia non fait a biri. Sa panchina arrúbia est duncas unu símbulu de profetu po sensibbilizai sa comunidadi asuba de unu probrema disconnotu ma fatuvatu inténdiu in manera superfitziali. Sa tarea est sa de fai nasci a s'inghitzu crosidadi e apustis atentzioni faci a su probrema de sa violéntzia contras a is fémminas" scrint is prumovidoris de su progetu: "XConoscereXFare", "Arci Circolo Guspini", "Liberamente noi ... insieme per crescere" e " Commissione Comunale per le Pari Opportunità".
Su progetu "Panchinas Arrúbias" ddu finàntziat s'Amministratzioni Comunali chi, a parti a ai postu a dispositzioni is panchinas e is logus púbricus, at tentu unu ruolu ativu cun s'acunsentimentu e s'agiudu.
Unu balori aciuntu a su progetu ddu donat s'interessamentu de totus is scolas de Gùspini, de sa scola de s'infàntzia fintzas a is scolas superioris: funt unus centu is discentis chi imparis a is insenniantis cosa insoru ant trabballau asuba de is argumentus de sa violéntzia de generi e de su respetu chi nci depit essi amarolla in is arrelatas intra de paris. Is discentis ant scioberau is scritus de ligi, ant apariciau atividadis de fai e presentai in ocasioni de s'inauguràtzioni de is panchinas.
Su cunvénniu " Alle radici della violenza" ( A is arreíxinis de sa violéntzia) organizau de "ACISIF", "Piccoli Progetti Possibili", "Centro Culturale Alta Formazione", "Filodrammatica Guspinese" e àterus assótzius, serrat is duas giornadas cun s'únicu filu cundusidori de s'Educatzioni che progetu inclusivu e unificanti.
Programma:
23 de Donniasantu
10:30 (dexi e mesu de a mengianu) Giardinus Púbricus, Inauguratzioni Panchinas Arrúbias;
24 de Donniasantu
09:30 (noioras e mesu de a mengianu) Pratza Togliatti, Pratza IV Novembre, Pratza XX Settembre; Inauguratzioni Panchinas Arrúbias.
Totu sa dí: Biblioteca de su IIS "Buonarroti", Ammosta Sensoriali
17:00 (cincu de a merí) Cineteatru Murgia
Cunvénniu;
Ammostas