SARDU

Comunu de Gùspini: Gióbia su 21 de Meseladàmini a is 5 de a merí, cumenti a abertura de s’Atóngiu de Autori 2021 in sa Bibrioteca Comunali "Sergio Atzeni", s’at a fai unu labboratóriu de ligidura a incuru de Claudia Benaglio paris cun s’Assótziu “Fabbrica Illuminata”, pigau de su líbburu de Luis Sepulveda "Storia di una lumaca che scoprì l’importanza della lentezza" (Editzioni Guanda).

In onori de su scritori mannu Sepulveda, unu de is primus mortus po mori de su COVID-19, s’at a torrai a ligi custu libbureddu in su labboratóriu, chi si bolit fai pentzamentai apitzus de sa manera de bivi nosta, currendi sempri cumenti si óbbrigat a fai su standard de vida de oi.

Sa tenta de su labboratóriu est cussa de imparai a donai s’espressividadi giusta a calisisiat líbburu chi si ligit po intrai in empatia cun s’autori e sa manera de contai sua.

A chini bolit partecipai a su babboratóriu (depit tenni assumancu 6 annus) chi s’at a fai in sa Bibrioteca Comunali, at a depi prenotai sa partecipatzioni sua imbiendi una e-mail a s’indiritzu biblioteca@comune.guspini.su.it