Gùspini: Labboratóriu de Pasca Manna in sa Biblioteca

In su cuntestu de su progetu "Sighidura de Terras de Marilla Linas e Campidanu", s’Ufítziu Língua Sarda de su Comunu de Gùspini in collabboratzioni cun sa Biblioteca comunali “Sergio Atzeni” organizat su “Labboratóriu de Pasca Manna”, su mengianu de su 18 de Abrili 2025. A su labboratóriu, chi si fait de is 10 a is 11 e mesu (10.00-11.30) podint partitzipai is pipias e is pipius chi tengant de is 5 a is 10 annus de edadi. Is chi funt interessaus si depint iscriri aintru de su 15 de Abrili tzerriendi a Biblioteca a su númeru 0709760125, opuru mandendi una e-mail a s’operadora de língua sarda a s’indiritzu carla.asunis@gmail.com
Chi is iscritzionis funt medas s’ant a fai duus turnus de labboratóriu cun màssimu 10 pipius po turnu, cun custus oràrius: 9.45-11.15 e 11.30-13.00.