SARDU
Comunu de Biddacidru: Su Comunu de Biddacidru imparis a sa ASSL de Seddori, a s'Universidadi de sa Tertza Edadi e a sa Consulta de is Gióvunus organizat, su 28 de Martzu 2019 a is cincu e mesu de a merì (17,30) , in su "Auditorium Santa Barbara"in Biddacidru, un'atóbiu po arraxonai de "Su patzienti antzianu: po un'imbeciadura ativa". A s'atóbiu intervenit Dot. Mariano Usai, Diretori de su Repartu de Mexina de su Spidali N.S. de Bonaria de Sant'Éngiu - ASSL Seddori
Custu est su de dexi atóbius organizau de su Comunu in su cuntestu de su progetu "I giovedì della salute", chi punnat a s'amparu de sa saludi de is pessonis, donendi scedas de profetu e de importu.
In s'interis de is atóbius ddoi at postatzionis innui is tzitadinus podint ativai a indonu sa téssera sanitària CNS e aberri su fàsciculu eletrónicu.
S'atóbiu avatanti si fait su 9 de Maju 2019, in su "Auditorium" de Santa Brabara a is cincu de a merí (17,30), s'argumentu est "Trabballai fait mali a sa saludi: is maladias professionalis".