SARDU
Comunu de Igrèsias: Sigundu cantu stabiliu cun votu concòrdiu de su Consìliu Comunali, in sa setziada de su 29 de mesi de ladàmini passau, s’Amministratzioni Comunali de Igrèsias at cunfèrriu sa Citadinàntzia Onorària sa Senadora Liliana Segre, po s’impegnu tzivilli e s’atividadi fata po amparai sa memòria contras a calisisiat genia de òdiu e intolleràntzia.
Custu massimamenti po mori de s’impegnu suu in is sedis istitutzionalis e de sa testimònia sua de sa tragèdia de sa Shoah, cun su contai chi s’est trasformau in una ocasioni de atobiai is studentis de is scoals, po chi is geneatzionis noas potzant connosci su significu de su chi est acuntèssiu in su passau e potzant essi protagonistas de unu camminu de cambiamentu in contu de cultura, sensu tzìvicu e acullièntzia.
“Sceti cun sa testimònia de una memòria cumpartzia e cun s’impegnu de is giòvunus podeus costruiri una sotziedadi prus bona – ant nau su Sìndigu Mauro Usai e su Presidenti de su Consìliu Comunali Daniele Reginali – Cunferri sa citadinàntzia onorària a sa Senadora Liliana Segre at rapresentau unu momentu de cumpartzidura de importu mannu cun totu sa Citari e cun totus is fortzas presentis in Consìliu Comunali, e est po nosu unu onori mannu a tenni a Fostei che parti ideali de sa Comunidadi nostra”.
ITALIANO
Comune di Iglesias: Dando seguito a quanto stabilito con votazione unanime dal Consiglio Comunale, nel corso della seduta dello scorso 29 ottobre, l’Amministrazione Comunale di Iglesias ha conferito la Cittadinanza Onoraria alla Senatrice Liliana Segre, per l’impegno civile e per l’attività di conservazione della memoria, contro qualsiasi forma di odio e di intolleranza.
Questo soprattutto grazie al suo impegno nelle sedi istituzionali ed alla sua testimonianza diretta della tragedia della Shoah, il cui racconto è diventato un’occasione di incontro con gli studenti delle scuole, per fare in modo che le nuove generazioni possano conoscere il significato di quanto accaduto nel passato e possano diventare protagoniste di un percorso di cambiamento fatto di cultura, senso civico e accoglienza
“Solo con la testimonianza di una memoria condivisa e con l’impegno dei giovani possiamo costruire una società migliore – hanno messo in evidenza il Sindaco Mauro Usai ed il Presidente del Consiglio Comunale Daniele Reginali – Conferire la cittadinanza onoraria alla Senatrice Liliana Segre ha rappresentato un importante momento di condivisione con tutta la Città e con tutte le forze presenti in Consiglio Comunale, ed è per noi un onore averla come parte ideale della nostra Comunità”.
