SARDU
Comunu de Igrèsias: Su 16 de mesi de ladàmini a is 8 de merì in s'atmosfera ammalianti de su chiostru de Santu Frantziscu Enzo Favata sonat cun The Crossing, s’ingruxada sonanti chi in s’ùrtimu annu e mesu at fatu su giru de s’Àsia e de s’ Amèrica Latina e s’est biu in meda palcus italianus custa istadi passada.
In The Crossing Enzo Favata sonat su sax soprano e su clarinetu bàsciu, synth e live letronics; Pascuale Mirra su vibràfonu e sa marimba midi; Rosa Brunello su bassu elètricu, Marco Frattini sa batèria e s’eletrònica.
A spiegai sa mùsica benit mali, est prus fàtzili a dd’ascurtai: The Crossing est un’amesturu aundi is àndalas àrridas de s’Etiòpia ingruxant s’eletrònica berlinesa, in pari a su jazz, su folklori musicali, free e àiris strelladas psichedelicas.
Ma no nc’est de timmi! Est una mùsica frisca chi rapresentat beni meda su mellus de is diferèntzias de gènias e generatzionis de is jazzistas italianus chi faint parti de sa band.