SARDU
Comunu de Igrèsias: Su 5 de Làmpadas, in Pratza Miniera di Monteponi, S’Assótziu Elena e poi... partetzipat a su Progetu Natzionali de su “Giro d'Italia delle Cure Palliative Pediatriche”.
Sport e spàssiu s’alliòngiant a sa temàtica umanística e sotziali.
Su “Giro d'Italia delle CPP”, est sa primu manifestatzioni dedicada a is curas lenitivas pediàtricas, e est strangiau aintru de sa manifestatzioni sportiva tziclística "Gran Fondo delle Miniere Trofeo Parco Geominerario".
Programma de sa dii:
Oras 10.00
- Bruna Moro, Presidenti de s’Assòtziu Elena e poi... aberrit sa giorronnada chistionendi de ita est su progetu “Giro d'Italia delle Cure Palliative Pediatriche”.
- Carla Demontis, dotori palliativista, at a chistionai de is curas lenitivas e de sa Lei 38/2010: unu diritu a ddas arriciri de is pipius cun maladias chi no podint sanai e de is famíllias insoru, e unu doveri de is operadoris sanitàrius e de is Istitutzionis a ddas donai.
- Cristian Nonnis at a chistionai de sa sperièntzia sua de babbu.