SARDU
Comunu de Carbònia: Su teatru est de siguru una de is formas culturalis prus importanti po una comunidadi. “Própiu partendi de custu presupostu e po avalorai ancoras de prus sa candidadura de Carbònia cumenti a Capitali Italiana de sa Cultura 2021, eus programmau, de acórdiu cun su Cedac, una stasoni noba de prosa, música e dantza de primori cun 9 spetàculus chi bantant sa preséntzia de artistas de livellu natzionali e internatzionali. Seus fueddendi de una rasinnia chi tenit un’acunsentimentu mannu de parti de su púbricu, cumenti testimóngiant is prus de 200 abbonamentus béndius fintzas a immui” at spricau sa Sindaghissa Paola Massidda.
Si inghitzat sàbudu 18 de Gennaxu 2020, candu in sa guarnissa stravanada de su Teatru Tzentrali de Pratza Roma andat in scena su spetàculu musicali “Il Lago dei Cigni” de sa Cumpangia “Raffaele Paganini – Almatanz”, cun sa música stravanada de Pëtr Il’ič Čajkovskij.
Su spetàculu nascit de una bidea chi de medas annus su regista e coreógrafu Luigi Martelletta sighiat e sperat de ponni in scena. Sa carriera longa e forti cumenti a primu baddadori in su “Teatro dell’Opera” de Roma e in medas àterus teatrus italianus e europeus ddi at permítiu de studiai beni, de averiguai e de baddai medas bortas custu balletu spetaculari chi aunit pantasia e realidadi e rapresentat un’esémpiu craru de s’ideali neoclàssicu de bellesa assoluta.
ITALIANO
Comune di Carbònia:Il teatro è sicuramente una delle forme culturali più importanti per una comunità. “Proprio partendo da questo presupposto e per avvalorare ulteriormente la candidatura di Carbonia quale Capitale italiana della Cultura 2021, abbiamo programmato, in raccordo con il Cedac, una nuova stagione di prosa, musica e danza di altissimo livello con 9 spettacoli che annoverano un parterre di artisti di calibro nazionale ed internazionale. Si tratta di una rassegna che riscontra un ottimo gradimento da parte del pubblico, come confermato dagli oltre 200 abbonamenti fino ad ora venduti”, ha spiegato il Sindaco Paola Massidda.Si comincia sabato 18 Gennaio, quando alle ore 20.45 nella splendida cornice del Teatro Centrale di piazza Roma andrà in scena l’attesa performance musicale “Il Lago dei Cigni” della Compagnia Raffaele Paganini – Almatanz, con le straordinarie musiche di Pëtr Il'ič Čajkovskij.
Lo spettacolo nasce da un’idea che da molti anni il regista e coreografo Luigi Martelletta inseguiva e sperava di mettere in scena. La sua lunga ed intensa carriera come primo ballerino al Teatro dell’Opera di Roma ed in tanti altri teatri italiani ed europei gli ha permesso di studiare a fondo, di esaminare e di danzare molte volte questo spettacolare balletto che unisce fantasia e realtà e rappresenta un esempio icastico dell’ideale neoclassico di bellezza assoluta.
