SARDU

Comunu de Gùspini:

Su Comunu de Gùspini, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas stóricas” e a sa L.R. 22/2018, fait sciri a is tzitadinas e a is tzitadinus ca de su 29 de Cabudanni 2021 fintzas a su 16 de Meseidas 2022 est torra ativu s'Ufítziu de Língua Sarda.

S'Ufítziu s'agatat in sa Biblioteca, in bia San Nicolò n.9, e fait servítziu in preséntzia dónnia cenàbara de is otu e mesu  fintzas a is úndixi (h. 8.30 – 11.00), sighendi su calendàriu postu innoi asuta:

S’operadora, Dot.ra Carla Asunis, in prus chi arriciri in spreséntzia in is diis e oràrius arremonaus asuba, si podit cuntatai a is recàpitus chi sighint :

e-mail :carla.asunis@gmail.com

 Tel. 070/9760602

S’Ufítziu de Língua Sarda est a dispositzioni de is Scolas, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali; apariciai ainas/materiali po  is pipius e is piciocheddus;  imparai a ligi e scriri in sardu; apariciai ainas/materiali po is atividadis cosa insoru (es. locandinas, cartellinus o etichetas merceológicas), tenni informatzionis chi pertocant sa língua, su connotu e sa stória de sa Sardigna.