SARDU

Comunu de Igrèsias: Su Comunu de Igrèsias, alleau de sa Províntzia de su Sud Sardigna in su progetu "Sighidura de sa sperimentatzioni linguística", finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas” e a sa L.R. 22/2018, fait sciri a is tzitadinas e a is tzitadinus chi de su 5 de Donniasantu 2021 fintzas a su 16 de Meseidas 2022 est torra ativu s'Ufítziu de Língua Sarda. S'Ufítziu s'agatat in sa Biblioteca Comunali "N. Canelles", bia Gramsci 11, e fait servítziu de domu in manera "Trabballu Àgili" su cenàbara de is otu de a mengianu finztas a sa una  (h. 8.00 – 13.00).

S’operadori, Dot. Rinaldo Spiga, in prus si podit cuntatai a is recàpitus chi sighint :

e-mail : rinaldospiga@tiscali.it

 Tel. 3346805539

S’Ufítziu de Língua Sarda est a dispositzioni de is Scolas, de is Assótzius, de is Atividadis cummertzialis e artigianalis, de is tzidadinas e tzitadinus chi bolint: fueddai in sardu cun s’Amministratzioni Comunali; apariciai ainas/materialis po  is pipius e is piciocheddus;  imparai a ligi e scriri in sardu; apariciai ainas/materialis po is atividadis cosa insoru ( es. locandinas, cartellinus o etichetas merceològicus), tenni informatzionis chi riguardant sa língua, is traditzionis e sa stória de sa Sardigna.