SARDU
Comunu de Mara Arbarei: Su Comunu de Mara Arbarei, alleau de sa Província de su Sud Sardigna in su progetu "Sighidura de sa sperimentazioni linguística",finantziau de sa Regione Autònoma de Sardigna cunformas a sa L.482/99 “Normas in matéria de amparu de is minorias linguísticas storícas”e a sa L.R. 22/2018, fait sciri a totus is interessaus ca de su 21 de Cabudanni 2021 fintzas a su 29 de Donniasantu 2022 est torra abertu s'Ufítziu de Língua Sarda.
S'Ufítziu s'agatat in sa biblioteca comunali, viali Rinascita, e fait servítziu in preséntzia dónnia martis de is otu e mesu finztas a mesudíe mesu (h. 8.30 – 12.30).
S’operadora, Dot.ssa Sonia Matta, in prus si podit cuntatai a is recàpitus chi sighint :
e-mail :ufitziuls@gmail.com
Tel. 070/93069317
S’Ufítziu de Língua Sarda est a dispositzioni de is Scolas, de is Assótzius, de is Atividadis cummercialis e artigianalis e de totus is chi bollint: fueddai in sardu cun s’Amministratzioni Comunali; apariciai ainas/materialis po is pipius e is piciocheddus; imparai a lígiri e scriri in sardu; apariciai ainas/materialis po is atividadis cosa insoru ( es.locandinas, cartellinus o etichetas merceológicus), tènniri informatzionis chi pertocant a sa língua, is traditzionis e sa stória de sa Sardigna.