SARDU
Comunu de Seddori: Cenàbara 25 de Donniasantu 2022, h.18:00, in su teatru de Seddori, ddoi est sa projetzioni de su cortometràgiu “Ritorno a casa. La meraviglia del quotidiano in Marmilla”, de su regista famau Gianfranco Cabiddu.
Su cortometràgiu chi tenit su patrotzíniu de sa Regione Autònoma de Sardigna, s'agiudu de Sardegna Film Commission e de sa Fondazione di Sardegna, est su resurtau de unu progetu importanti de prumotzioni turística durau annus chi su “Consorzio Turistico Sa Corona Arrùbia” at bòfiu cun totus is fortzas po circai de mudai sa Marmidda in sa destinatzioni de unu biaxi chi permitat de si spantai e de gosai de sa bellesa, de sa stória, de s'ospedàgiu, de is nuscus e de is saboris de una regioni ecisera de bivi e de imparai a connosci.
Po Francesco Sanna, Presidenti de su Consorzio Turistico Sa Corona Arrubia: " Custu progetu punnat in manera agudissiosa a innescai, po médiu de s'arti tzinematogràfica, su binòmiu de profetu "scoberta – scoberta noba" chi nc'est in su biaxi, strumbullendi un'oferta turística esperientziali dedicada a destinatàrius diferentis, chi siat una risorsa no scéti culturali e identitària ma económica e sotziali puru e chi, in su matessi tempus, potzat incorai a pigai cusciéntzia de su passau e de is arréxini cosa nosta, custodiadas dónnia dí in su grandu patrimóniu archiológicu e stóricu-artísticu, aici puru cumenti in sa simplitzidadi aparenti de cussus particularis fitianus chi ddoi funt in dónniunu de is Comunus cosa nosta chi trasportant sa menti faci a esperiéntzias chi interessant totus is santidus opuru dda faint naufragai a bellu a bellu faci a sa circa de unu tempus pérdiu.
Custu cortometràgiu est su primu de sa triologia de su spantosu chi su Consorzio Turistico Sa Corona Arrubia proponit po cumbidai, po médiu de s'arti tzinematogràfica spantosa, a torrai a scoberri e a gosai de s'autentitzidadi de su territóriu de sa Marmidda".
Cun custu cortometràgiu su regista at acunsentiu a su disafiu difítzili de contai e de ammostai foras de dónnia retórica s'ànima de unu territóriu.
"Fai bessiri a luxi cun simplitzidadi sa fortza vitali e is bellesas de is logus, de su patrimóniu artísticu e archiológicu, is piessignus culturalis, paesagísticus e enogastronómicus (de su papai e de su bufai) po médiu de una mirada partétzipi e noba chi ddus acapit in manera armoniosa a sa genti chi in cussus logus bivit.
Unu biaxi fílmicu chi est puru unu percursu umanu de formatzioni, de interessamentu emotivu, a scoberri e scoviai, cun puntus de vistas nous, unu ritratu eciseri e amantiosu de sa Marmidda".
Títulu "Ritorno a casa. La meraviglia del quotidiano in Marmilla", regia de Gianfranco Cabiddu, produtzioni Mommotty.
Patrotzíniu de sa Regione Autònoma de Sardigna
Colabboratzioni: associazione Enti Locali
Cun su cuntribbutu de Fondazione di sardegna
Cun s'agiudu de Sardegna Film Commission – Fondo location scouting