SARDU
Comunu de Santu Antiogu: Domínigu 20 de Meseladàmini 2019 a is dexi de a mengianu (10,00), su Comunu de Santu Antiogu organizat un’acontéssiu púbricu de inauguratzioni, acumpangiau de una bessida a pei e in bicicreta, de su caminu naturalísticu Serra Is Tres Portus. Su caminu, partendi de sa plaja de Maladroxa, truessat prus o mancu 1,5 km de logus archeológicus de època nuràgica, forrus modernus po trabballai sa carcina, lompendi a pei fintzas a s’oru de mari de “Coe Quaddus”, intra de sa tupa mediterrànea, is arruinas de unu nuraxi e vistas de importu mannu.