SARDU
Comunu de Santu Antiogu: Inghitzant sàbudu 4 de Maju is afestus in onori de su Patronu de sa Sardigna, Santu Antiogu Màrtiri, lómpius a sa de 660 editzionis. Sa Festa prus antiga de sa Sardigna est cumenti a sémpiri un'ammesturu de fidi, divotzioni, costumu, cultura, spetàculu e folclori. A aberri sa lista arrica de acontéssius sàbudu a is úndixi de a mengianu (11,00), nc'est s'inauguratzioni de s'ammusta fotogràfica "sa Festa de su Santu", organizada imparis cun su "Circolo Fotografico F/7.1:15 "Scenas de sa Festa" (mannària (150x100cm) chi funt apicadas aforas de su Munitzípiu, chi arremonant unus cantu momentus de importu de sa prutzessioni de su lunis (e non scéti). Sa novidadi de cust'annu (domínigu 5 de Maju a is 11,00), sa sfilada de Is tracas: 12 museus de su costumu sardu, chi ndi aproillant de dónnia parti de sa Sardigna, sfilant peri is bias printzipalis de sa tzitadi, fintzas a Pratza Umberto, innui abarrant fintzas a meigama.
Torrat puru "Sulkinfiera", unu cuntzentrau de cultura, costumu, cosa de papai e binu e folclori de Sardigna. Is ammànius funt in totu su Cursu Vittorio Emanuele, po fai logu a is esposidoris chi benint de 31 Comunus de s'Ísula, cun inauguratzioni sàbudu 4 de Maju a is ses de a merí (18,00).
Sulkinfiera, in is dís de sàbudu e de domínigu, in Pratza Italia, Cursu Vittorio Emanuele e Pratza Umberto, gosat de is cantus e de is baddus de su costumu sardu, gràtzias a otu grupus folclorísticus chi espressant su costumu enno-musicali e de su baddu de is Comunus de: Uri, Sestu, Adoni, Arcidanu, Tàtari, Sinnia e Orgòsolo. Non mancant is paríglias "Sa cursa po Santu Antiogu", chi si faint domínigu 5 de Maju a is tres de a merí (15,00) in sa plaja de Sant'Antiogu.
Intra de is momentus de divotzioni a su Santu, duus pruschetotu merescint de essi sinnalaus. Sàbudu 4 de Maju, a is ses de a merí (18,00), nc'est sa sfilada de is "cocois" cun pellegrinàgiu e oferta de su pani, in cumpangia de is sonadoris de launeddas e de grupus folclorísticus, cumenti costumat s'acumpangiamentu (corteu) partit de Pratza Santa Maria Goretti po lompi a sa Basílica de Santu Antiogu Màrtiri. S'atóbiu prus eciseri e nodiu de is tres dís de afestus est de seguru sa prutzessioni de su lunis, dí de sa Festa Manna: cun parténtzia a is ses e mesu de a merí (18,30) de su Santuàriu de Antiogu, sa stàtua de su Patronu de sa Sardigna e is relíchias cosa sua passant peri is bias printzipalis de sa tzitadi cuncordadas a festa, acumpangiadas de cavalieris mascus e fémminas, sonadoris de launeddas, tracas, medas grupus folclorísticus e un'iaxi de devotus.
Non scéti cultura, divotzioni, costumu e folclore. A allirgai is antiochesus e is stràngius, nci funt duus spetàculus musicalis. Si inghitzat sàbudu 4 de Maju, a is noioras de a noti (21,00) in Pratza Umberto: cun Elena Ledda e su progetu musicali "Làntias". Domínigu 5 de Maju, ancora grandu música, sémpiri in Pratza Umberto a incumentzai de is noioras de a noti (21,00), cun "L'Armeria dei Briganti". Intamis s'atóbiu chi serrat sa Festa de Santu Antiogu Màrtiri est su spetàculu de is artifítzius, lunis 6 de Maju, a is dexi de a noti, in sa plaja Cristoforo Colombo.
ITALIANO
Comune di Sant'Antioco: Prenderanno il via sabato 4 maggio i festeggiamenti in onore del Patrono della Sardegna, S.Antioco Martire, giunti alla 660° edizione. La Festa più antica della Sardegna sarà come sempre un mix di fede, devozione, tradizione e cultura, spettacolo e folklore. Ad aprire il ricco cartellone di eventi, sabato alle 11.00, sarà l’inaugurazione della mostra fotografica “La Festa del Santo”, organizzata in collaborazione con il Circolo Fotografico F/7.1:15 “scene della Festa” (dimensioni (150x100cm) che verranno affisse negli spazi esterni del Municipio, ripercorrendo idealmente alcuni momenti salienti della processione del lunedì (e non solo). Vera novità di quest’anno (domenica 5 maggio alle 11.00), la sfilata de “Is Traccas”: 12 piccoli musei della tradizione sarda, provenienti da ogni angolo di Sardegna, sfileranno per le principali vie della città, fino a piazza Umberto, dove faranno mostra di sé fino al primo pomeriggio.
Torna anche “Sulkinfiera”, un condensato di cultura, tradizione, enogastronomia e folklore di Sardegna. Gli allestimenti saranno lungo il Corso Vittorio Emanuele, per dare spazio agli espositori provenienti da 31 Comuni dell’Isola, con inaugurazione sabato 4 maggio alle 18.00. “Sulkinfiera”, durante le giornate di sabato e domenica, lungo Piazza Italia, Corso Vittorio Emanuele e Piazza Umberto, sarà accompagnata da canti e balli della tradizione sarda, grazie a otto gruppi folkloristici che esprimono le tradizioni etno-musicali e coreutiche dei Comuni di: Uri, Sestu, Gadoni, San Nicolò d’Arcidano, Sassari, Cagliari, Sinnai e Orgosolo. Non mancheranno le tradizionali Pariglie (“Sa Cursa po Santu Antiogu”), che si svolgeranno domenica 5 maggio nel lungomare di Sant’Antioco, a partire dalle 15.00. Tra i tanti momenti di devozione al Santo, due in particolare meritano la menzione speciale. Sabato 4 maggio, alle 18.00, sarà il momento della sfilata de “Is Coccois” con pellegrinaggio e offerta del pane, in compagnia di suonatori di launeddas e gruppi folk: come di consueto, il corteo partirà da Piazza Santa Maria Goretti per poi giungere nella Basilica di S.Antioco Martire. Ma l’appuntamento più suggestivo e solenne della tre giorni di festeggiamenti è certamente la processione del lunedì, giorno de “Sa Festa Manna”: con partenza alle 18.30 dal Santuario di Antioco, la statua del Patrono della Sardegna e le sue reliquie percorreranno le principali vie della città addobbate a festa, accompagnate da cavalieri e amazzoni, suonatori di launeddas, traccas, numerosissimi gruppi folk e tanti devoti.
Non solo cultura, devozione, tradizione e folklore. Ad allietare la presenza di antiochensi e visitatori, ben due spettacoli musicali. Si inizia sabato 4 maggio, alle 21.00, in piazza Umberto: sul palco, il progetto musicale “Lantias”, che vede la partecipazione della cantante Elena Ledda. Domenica 5 maggio, ancora grande musica, sempre in piazza Umberto a partire dalle 21.00, con “l’Armeria dei Briganti”.Mentre l’appuntamento che chiude la Festa di S.Antioco Martire è lo spettacolo pirotecnico (i fuochi di artificio in Laguna), lunedì 6 maggio, alle 22.00, nel Lungomare Cristoforo Colombo.
