SARDU
Comunu de Gùspini: Torrat su 29 de Meseargiolas in Gúspini "Inistrada", sa festa de sa música e de sa cosa de papai in sa bia organizau de su Comunu de Gúspini cun sa collabboratzioni de su Tzentru de Agregatzioni sotziali e de sa ProLoco chi, in prus de is giòvunus de su Tzentru de Agregatzioni, at a stentai totu sa Comunidadi.
S’initziativa in su 2022 at realizau puru momentus musicalis e artísticus spainaus in 9 palcus in bias diferentis de sa bidda e est un’ocasioni de abarrai totus impari chi arrechediat pustit de is annus passaus cun is mesuras stringidoras po mori de su covid –19, chi at strobbau a sa realizatzioni de s’initziativa in su 2020 e in su 2021.
Cumenti in is editzionis giai fatas Inistrada biit sa preséntzia de atividadis particolaris de “Street Food” chi arrennescint a avalorai is pratus típicus de sa gastronomia originali gràtzias a sa preparatzioni de mandiaris chi andant de sa coxina vegetariana a is propostas étnicas, fintzas a is spetzialidadis prus popolaris de sa coxina típica de regionis diversas.
Intra is artistas musicalis strangiaus in sa de tres editzionis arregodaus is nóminis de AISHA de su DJ Kei Hevert e de Paolo Noise.