SARDU
Comunu de Serdiana: Sàbudu su 22 de Meseargiolas 2023 a is 9 oras de a merii (21.00): Luna e Costellatzionis Istadialis – po scoberri su celu cun su telescópiu.
Gióbia su 10 de Austu 2023 a is 10 de noti (22.00): Santu Lorentzu, sa Noti de is Disígius - una passillada intra sa Bia de sa Palla e Sadurru
Is acontéssius ant a durai unas duas oras e si faint in su Parcu de sa Crésia de Santa Maria de Sebiolla in su territóriu de Serdiana. Su logu de atóbiu est s’intrada printzipali.
A condusi is seradas est Antonio Piras, amantiosu de astronomia chi ddi praxit a ndi spainai sa connosciéntzia.
Giai ca su númeru de is partetzipantis est contau tocat a si prenotai a marolla.
Po partetzipai sa genti manna pagat 10 éurus e is pipius 5 éurus chi tenint de is 6 a is 10 annus, chi funt prus piticus de 6 annus no pagant nudda.
Info e prenotatzionis @sardastro – antoniopiras@outlook.com
Si cunsillat de si bistiri a manera còmoda e de si ingolli una giancheta. Iat a essi mellus a ndi lompi assumancu unus 10 minutu innantis chi si cumintzat a manera de fai su pagamentu. Chi in cussas datas su tempus no est bellu e no permitit de biri beni s’acontéssiu s’at a annuddai e s’at a torrai a programmai.