SARDU
Comunu de Lunamatrona: S’Amministratzioni Comunali fait sciri a totus is residéntis in su Comunu de Lunamatrona chi tenint prus de 60 annus (fatus a su 31 de Meseidas 2018) chi, anche su Tzentru de Agregatzioni Sotziali “Sa Turrita”, si bolit organizai unu o prus labboratórius artísticus e de ammanuncadura.
Is atividadis propostas funt:
- Labboratóriu de Pasca Manna – cumpridura de unu tzentrumesa;
- Labboratóriu avanzau de intritzadura – segundu sa manera costumada, po fai unu scannu o unu scarteddu;
- Labboratóriu po trabballai cun su feltru o cun su pannu lenci;
- Testus o làntias decoradas – decoradura de unu sprigu personalizau;
- Arragiollas o teulas antigas decoradas cun rilievus;
- Cartonàgiu;
- labboratóriu de arrecamu a puntu gruxi po fai e personalizai ogetus diferentis (portacrais, coscinus e aici sighendi.
Si ativant i labboratórius chi torrant a portai su númunu de preferéntzias prus artu (preferéntzias inditadas de is iscritus a s’atividadi).
Si podint iscriri, cun riserva, puru totus is residentis chi tenint intra de is 55 e is 60 annus.
Totus is interessaus depint presentai s’iscritzioni, anche su Servítziu Sotziali de su Comunu, aintru de sa una (13,00) de gióbia 21 de Martzu 2019.
Is atividadis de labboratóriu si faint dónnia martis a merí de is tres e mesu fintzas a is ses (15,30-18,00) anche su Tzentru de Agregatzioni Sotziali “Sa Turrita”.