SARDU

Comunu de Biddanoa Franca: Su Comunu de Biddanoafranca in collaboratzioni cun s’Assótziu SEMM (Sardigna Europa Mediterràneu Mundu) aparíciat su laboratóriu culturali: “Su Pani, sa pasta e su trobaxu: atualidadi e traditzioni”.

Su progetu partziu in duas partis (1*pani e pasta cun erbas ca crescint de sei e 2*traballu a su trobaxu) tenit is punnas chi sighint, po dònnia partzidura:

1) Pani e pasta cun erbas ca crescint de sei:

- Promòviri sa connoscéntzia de is técnicas traditzionalis de preparatzioni de sa pasta e de su pani, puru cun sa connoscéntzia prus funduda de is erbas ca crescint de sei de su territóriu sardu segundu s’impreu sosteníbili e responsàbili;

- Promòviri sa connoscéntzia de unas cantu arretzetas piessignas de sa traditzioni sarda ca previdint s’impreu de erbas ca crescint de sei, in is realtadis territorialis difarentis de sa Sardigna;

- Promòviri sa connoscéntzia de is técnicas de traballu de su pani e de sa pasta, intra traditzioni e annoamentu, pruscatotu po su chi pertocat a sa filiera e a Km 0;

2) Traballu a su trobaxu:

- Promóviri sa connoscéntzia de sa stória de su tessíngiu intra passau e presenti in Sardigna e in su mundu po mesu de una chirca, intervistas e testimonias deretas;

- Promóviri sa connoscéntzia de sa filiera: de sa matéria prima a su prodotu acabau cun arriferimentu piessignu a is técnicas po intíngiri, a comenti a ndi scabúlliri sa matéria prima e a sa tecnologia de trasformatzioni cun is trobaxus difarentis ca si impreant;

- Promóviri s’impreu de su sardu comenti a língua veicolari in s’interis de is labboratórius e in su monentu de scritu cosas po andai prus a fundu a sa chistioni;

- Fai unu libureddu cun sa chirca fata de scientis asuba su tessíngiu acumpangiada de fontis, immàginis, fotografias etc. in língua sarda.

TOT. 30 ORAS

In allióngiu: Locandina e Mòdulu de domanda

SCAD. DOMANDAS 31/01/2022

PARTECIPATZIONI A INDONU