SARDU
Comunu de Gùspini: S’Ufítziu Língua Sarda de sa Províntzia de su Sud Sardigna, sea de Gύspini (L. 482/99 e 22/18) in collabboratzioni cun sa Biblioteca Comunali de Gùspini aparíciat unu Labboratóriu de alentadura a sa letura po afestai totus is mammas. S’apuntamentu est cenàbara su 28 de Abrili 2023 de is 10.00 de a mengianu a mesudii (10.00-12.00) in sa Biblioteca Comunali de Gùspini.
Podint partetzipai is pipius de 5 a 10 annus de edadi fintzas a unu màssimu de 15 pipieddus.
Po si prenotai tocat a tzerriai a su númeru de sa biblioteca 070 9760602 o desinunca si podit mandai una e-mail a s’indiritzu carla.asunis@comune.guspini.su.it aintru de su 26 de Abrili 2023.