SARDU
Comunu de Seddori: Progetu finantziau cun su dinai de sa Regione Autònoma de Sardigna cunformas a sa L.482/99 e a sa L.R. 22/2018. Annualidadi 2021
Su Sportellu Linguìsticu comunali e sa Biblioteca comunali de Seddori organizant unu labboratòriu de Lìngua Sarda “Giogu de Fueddus”, po is piciocus de is scolas Mèdias. S’obietivu est cussu de fai cresci me is giòvunus sa cumpetènzia multilinguìstica e sa cumpetèntzia tecnològica, po mesu de s’impreu de is TIC e de su bilinguismu, po s’avaloramentu de su patrimòniu linguìsticu e culturali de sa Sardigna. Unu progetu de movimentu duncas ca bit is piciocus protagonistas e atoris de is connoscèntzias insoru. S’at a inghitzai cun d-unu brainstorming po mesu de unu giogu de fueddus in limba a is calis is piciocus ant a donai su significau chi sigundu issus iat a podi andai beni, po arribai, a pustis, a s’arrèxini de su fueddu. In prus is paràulas chi impreant oi is giòvunus cumenti a is neològismus fatus de issus, ant a essi tradùsius in sardu circhendi de ndi pesai unu ponti intra antigu e modernu, passau e presenti, fueddu e sonu. Totu custu at a essi aprontau cun s’impreu de is tecnològias de s’informatzioni e sa realizatzioni de unu vìdeu cun spàssiu meda. Is iscritzionis si depint fai intro de su 5 de Argiolas, agatais is mòdulus in sa Biblioteca Comunali.
Is atòbius ant a essi fatus su 7, 14,21 de Argiolas 2022 de is dexi de a mengianu a mesudì (10.00-12.00) in sa Biblioteca Comunali, Polu Culturali e Tzentru de Alta Formatzioni, ediftziu béciu de is Scolòpius, Parcu S'Arei.