SARDU

Comunu de Siddi: Su sportellu Informaorienta Giòvunus aparíciat 6 laboratórius de orientamentu universitàriu ca ant a incarrerai in su mesi de argiolas. Funt prevídias 6 dis cun atóbius de duas oras donniunu me is sedis de is ses comunus innoi est ativu su servítziu Informaorienta e in piessignu:

Soramanna in sa biblioteca comunali cenàbura 8 de argiolas de is 10 a is 12;

Pauli Arbarei in sa biblioteca comunali mércuis 13 de argiolas de is 10 a is 12;

Turri in sa biblioteca comunali gióbia 14 de argiolas de is 10 a is 12;

Biddanoa de Forru in sa biblioteca comunali cenàbura 22 de argiolas de is 16 a is 18;

Lunamatrona in sa biblioteca comunali mércuis 27 de argiolas de is 17 a is 19;

Siddi in sa biblioteca comunali gióbia 28 de argiolas de is oras 10 a is 12.

Is laboratórius funt a indonu e a númunu firmu, de su tempus de prus o mancu duas oras.

Est necessàriu a si prenotai, puru po bia email a informaorienta@libero.it o whatsapp a su númunu 379 255 9299.

Po dónnia informatzioni podeis preguntai a su sportellu in s’interis de is oràrius de abertura.